Saturday, December 18, 2004

செயற்கை உயிரி - ஆரம்ப வெற்றி...!



பச்சை நிறப் புளொரொளிர்வைக் காட்டும் செயற்கை முறையில் தயாரிக்கப்பட்ட உயிரியற் புடகம்...!

சில உயிரிகளின் கூறுகளைக் கொண்டு ஒரு செயற்கை உயிரிக்கான உயிரின் அடிப்படையான எளிமையான கலத்தின் நிலைக்கு ஒத்த ஆனால் ஆரம்ப நிலை உயிரியல் தொழிற்பாட்டுப் புடகம் ஒன்றை அமெரிக்க விஞ்ஞானிகள் உருவாக்கி உள்ளனர்...!

இதன் மென்மையான வெளிப்புற கலச் சுவர் ஆக்கப்பட்டது முட்டை வெள்ளைக்கருவில் இருந்து பெறப்பட்ட கொழுப்புக் கொண்டு என்றும் கல உள்ளடக்கம் என்பது குடலில் வாழும் பற்றீரியாவான (bacteria) E. coli இருந்து பெறப்பட்டது (அதன் பிறப்புரிமையியல் கூறுகள் அகற்றப்ப்பட்ட பின் ) என்றும் டி என் ஏ தரவுகளை வாசிக்க ( DNA code translation) உதவும் நொதியம் வைரசில் இருந்து பெறப்பட்டது என்றும் கூறிய உள்ளனர் இந்த ஆய்வை மேற்கொண்ட ஆய்வாளர்கள்....!

இக்கூறுகள் கொண்டு ஆக்கப்பட்ட அந்த உயிரியற் தொழிற் புடகத்தினுள் (vesicle bioreactors) ஜெலிமீனின் (Jelly fish) குறித்த ஒரு இனத்தில் இருந்து பெறப்பட்ட புளரொளிர்வுக்கான புரத்தத்தை (fluorescent protein) உருவாக்கும் ஜீனையும் (gene) இன்னொரு வகை பற்றீரியாவான Staphylococcus aureus இல் இருந்து பெறப்பட்ட கலச்சுவரில் நுண்துளையிடும் ஜீனையும் புகுத்தி அவதானித்த போது அந்தப் புடகங்கள் புளொரொளிர்வுள்ள புரதங்களை உருவாக்குவனவாகவும், அவை வளர்க்கப்பட்ட வளர்ப்பூடகத்தில் இருந்து... கலச்சுவரில் உருவாக்கபட்ட துளைகள் ஊடாக போசனைக்கான இரசாயனக் கூறுகளைப் பரிமாறி பல நாட்கள் தொழிற்பட்டக் கூடியதாக இருந்ததாகவும் இவ்வாய்வு தொடர்பாக மேலும் கருத்துக்கள் பகரப்பட்டுள்ளன...!

ஆனால் இந்தப் புடகங்களுள் நடந்தவை சாதாரண நிலை உயிரியல் இரசாயனத் தாக்கங்கள் என்றும் இவை கலத்துக்கு வெளியேயான கலச்சாறுகளை கொண்டும் நடத்தப்படக் கூடியன என்றும் கூறியுள்ள அந்த ஆய்வாளர்கள்...இந்த ஆய்வு ஒரு உயிரியை தேவைக்கேற்ப மீள வடிவமைக்கக் கூடிய செயற்கை முறை உயிரியலின் (synthetic biology) அடிப்படை வெற்றி என்றும் கூறியுள்ளனர்...!

மேலதிக தகவல் - ஆங்கிலம்...!

பதிந்தது <-குருவிகள்-> at 11:25 am

0 மறுமொழிகள்:

Post a Comment

இந்த இடுகைக்கு மேலதிக தொடுப்புச் செய்ய:

Create a Link

<<முகப்புக்குச் செல்க