Wednesday, April 20, 2005

அகிலத்தின் ஆரம்ப நிலை திரவம் போன்றது..!



பரிசோதனை நிகழ்த்தப்பட்ட 3.8 km நீளமான Relativistic Heavy Ion Collider குழாய்ப் பாதை...!



பரிசோதனையின் வாயிலாகப் பெறப்பட்ட quark-gluon plasma நிலையில் கூறுகளின் திரவ நிலைக்கு ஒத்ததான ஒழுங்கமைப்பு....!

அகிலம் உருவாக நிகழ்ந்ததாக கருத்தப்படும் Big Bang இன் மில்லியன் செக்கன்கள் பின்னான அகிலத்தின் நிலை திரவ நிலைக்கு ஒப்ப இருந்திருக்கவே வாய்ப்பதிகம் என்று அமெரிக்க பெளதீகவியல் விஞ்ஞானிகள் ஆய்வுசாலையில் பொன் அணுக்களில் இருந்து பெறப்பட்ட அயன்களை 3.8 கிலோமீற்றர்கள் நீளமான Relativistic Heavy Ion Collider ற்குள் கிட்டத்தட்ட ஒளியின் வேகத்தில் செலுத்தி மோத வைத்து பெறப்பட்ட ultra-hot, ultra-dense நிலையின் வாயிலாகக் கண்டறிந்துள்ளனர்...! இந்த quark-gluon plasma நிலை ஐதான வாயு நிலை ஒத்த நிலை என்றே இதுவரை விஞ்ஞானிகளால் கருத்தப்பட்டு வந்தது...!

இந்தப் பரிசோதனையின் போது அணுக்கருவுள் உள்ள நியுத்திரன்களை புரோத்தன்களை "உருக்கக்" கூடிய அளவிலான சக்தியையும் சூரியனின் மையத்தில் உள்ளதை விட மேலான வெப்பநிலையை ( கிட்டத்தட்ட 150,000 மடங்குகள் சூரியனின் மையத்தில் உள்ள வெப்பநிலையை விட அதிகமாக) விஞ்ஞானிகள் அடைந்தனர் என்பதும் இம் மோதல் மிகச் சிறிய அளவுக் கனவளவுப் பகுதிலையே நிகழ்த்தப்பட்டிருந்தது என்பதும் குறிப்பிடத்தக்க அம்சங்களாகும்..! இக் கண்டுபிடிப்பு பெளதீகவியலில் முக்கியமான ஒன்றாக பலராலும் கருதப்படுகிறது...!

மேலதிக தகவல் இங்கு

பதிந்தது <-குருவிகள்-> at 11:19 am

0 மறுமொழிகள்:

Post a Comment

<<முகப்புக்குச் செல்க