வேற்றுக்கிரகமொன்றில் காபனீரொக்சைட் கண்டுபிடிப்பு.
நமது பூமியில் இருந்து 63 ஒளியாண்டுகளுக்கு அப்பால் இருக்கும் ஒரு நட்சத்திரத்தை நெருங்கிய ஒழுக்கில் சுற்றி வரும் எமது வியாழக்கிரக்கத்தின் திணிவை ஒத்த கிரகம் ஒன்றின் (HD 189733b )வளிமண்டத்தில் காபனீரொக்சைட் இருப்பது ஹபிள் விண் தொலைநோக்கியில் பொருத்தப்பட்டுள்ள Infrared Camera மற்றும் Multi-Object Spectrometer (NICMOS) கொண்டு நடத்தப்பட்ட ஆய்வில் இருந்து கண்டறியப்பட்டுள்ளது.
காபன் அடிப்படை உயிரினங்கள் ஒரு கிரகத்தில் இருப்பதற்கான அல்லது இருந்ததற்கான சான்றாக காபனீரொக்சைட், நீர், மெதேன் மற்றும் ஒக்சிசன் வாயுவின் இருப்பு கொள்ளப்படக் கூடியதாக இருப்பினும் மேற்குறிப்பிட்ட கிரகம் அதன் நட்சத்திரத்தை நெருங்கிச் சுற்றிக் கொண்டிருப்பதால் அதன் மேற்பரப்பு வெப்பநிலை மிக அதிகமாக இருப்பதால் அங்கு உயிரினங்கள் வாழ ஏதுவான சூழல் நிலவியிருக்குமா என்பது பற்றி ஆராய்வதில் விஞ்ஞானிகள் தற்போது கவனம் செலுத்தி வருகின்றனர்.
சூரியக் குடும்பத்துக்கு வெளியே நீர் மற்றும் மெதேன் கொண்ட கிரகங்கள் கண்டுபிடிக்கப்பட்ட நிலையில் தற்போது காபனீரொக்சைட் கொண்ட கிரகமும் கண்டுபிடிக்கப்பட்டுள்ளமை முக்கியமான ஒன்றாக கருதப்படுகிறது. இன்னும் ஒக்சிசன் உள்ள கிரகம் கண்டுபிடிக்கப்பட வேண்டிய நிலை தொடர்கிறது என்பது இங்கு குறிப்பிடத்தக்க அம்சமாகும்.
மேலதிக தகவல் இங்கு.
Labels: கபிள், விண்ணியல், விண்ணியல் விநோதம்
1 மறுமொழிகள்:
கண்டுபிடிச்சு என்ன செய்யப் போகிறார்கள். பூமியையே பாதுகாக்க முடியாம இருக்கிறாங்களே. (")